شكسبير طلع من المنيا البلد

طلعت نتيجة الايلتس .. 6.5 … يادي الكسوف .. جرالك ايه ياعم الشكسبير …. مش فاكر خسرت كام عن اللي كنت حاسبه من النقاط .. لكن اعتقد 6 نقاط طارت …
ولا همني … بعتلهم النتيجة … وترجمت شهادة طلاقي من عروستي الاولانية “ كنت كاتب كتابي وربنا ماأردش وماكملناش .. وطبعا كتبت الكلام ده في الابليكيشن علشان كتب الكتاب هو عقد زواج رسمي” 
فطلبوا ترجمة الشهادة وسألوني اذا كان فيه أولاد “ ماهم مايعرفوش كتب الكتاب يعني ايه 🙂

الكلام ده كان في نوفمبر 2009م.

شهر واتنين وتلاتة .. ولا حس ولاخبر .. أبعت ايميل .. ماحدش يرد
انا قلت خلاص مابدهاش …. هو الايلتس المعفشن ده اللي جاب وشي الأرض 
وطنشت تماما بعد كده … واتلهيت بشغلي وبأسرتي …

استنيت كتير ؟ استنيت لغاية سبتمبر 2010م … لقيت جواب منهم .. فيه طلب لادارة الأحوال الجنائية في السعودية مصدق من السفارة الكندية … لي ولمراتي … وطالبين فيش وتشبيه سعودي …. واضح انهم اكتفوا بالفيش المصري اللي كنت بعته ليهم في الأول خصوصا ان احنا مارجعناش وعشنا في مصر من تاريخه 

وطلبوا كمان اثبات الرصيد في البنك … والمرة دي طلبوا كشف حساب كامل لاخر 3 شهور .. يوم بيوم … نفر نفر

وأخيرا طلبوا مني النماذج اعبيها من جديد … كنا وقتها طلعنا الجوازات المميكنة .. فكان فرصة ان احنا نبعت صور جوازاتنا الجديدة

كل ده عملته وبعته ليهم في نوفمبر 2010 م … متزامنا مع انتخابات مجلس الشعب الأشهر في تاريخ مصر اللي كان بالتعيين تقريبا مش بالانتخابات 🙂

وقامت ثورة 25 يناير 2011 المجيدة

هذه المقالة كُتبت في التصنيف 0- خواطر و يوميات, إجراءات الهجرة ومراحلها. أضف الرابط الدائم إلى المفضلة.

تعليق واحد على شكسبير طلع من المنيا البلد

  1. Ahmed كتب:

    السلام عليكم
    أنت من المنيا يا باشمهندس؟

اترك رداً على Ahmed إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.