وداعا ياجوازي .. إلى لندن

آخر فصول الحكاية كان في يناير 2012 … لما بعتلهم قلتلهم ايه اللي حصل معاي … وصل الشيك ياجماعة والا لسة …
طبعا وكعادتي معاهم من البداية .. كل خطوة لازم يكون فيها مشكلة …
الشيك المصدق بيكون مكتوب فيه اسم البنك اللي هيستلم منه … اللي مكتوب الشيك باسمه … الفلوس منه .. وبكل أسف الباشوات اللي هنا اصدروا شيك بدون عنوان البنك …علشان كده رجعوا الشيك لي في البريد ..وطبعا ماوصلنيش كالعادة .. قعدت شهر لغاية مافهمت ايه المشكلة … لأنهم طبعا بيبعتوا ملاحظاتهم بالقطارة …. ومافهمتش المشكلة الا لما رحت للبنك وقلتلهم ياجماعة اعملولي واحد تاني وبعدين يبقى نشوف حكاية اللي فات …
لما عملولي الشيك الجديد قارنته بصورة القديم اللي كانت معايا صورته في الجوال … وفهمت على طول المشكلة لأن العنوان بيكون باين وبشكل واضح … وفي الاولاني ماكنش موجود ..فيارب ماتحصلش الغلطة دي مع غيري … انتبهوا ليها …اخدت الشيك الجديد وبعته ليهم في نهاية شهر فبراير 2012 .. وخلال ايام …يوم 27 فبراير بالتحديد … وصلني ايميل منهم ولأول مرة بيطلبوا مني حاجة عن طريق الايميل … مرفق معاهم الرسالة اللي كانوا في العادة بيبعتوها بالبريد العادي …الرسالة بتقول

 

Dear Sir/Madam,

This is in reference to the above application for permanent residence in Canada.

Please follow the instructions on the attached form and submit the requested documents to our office as soon as possible for visa issuance.

Your file number is indicated in the subject line of this email. It is a ‘B’ followed by 9 digits.

Note: The attached letter is in Portable Document Format (.pdf). To view it, you will need Adobe Acrobat Reader. If the Adobe download site is not accessible to you, you can download Acrobat Reader from an accessible page. You can also visit the Adobe site for online conversion tools for PDF documents.

Sincerely,

NMP
High Commission of Canada/Haut-commissariat du Canada
Immigration Section/Service d’immigration
1 Grosvenor Square
London W1K 4AB/Londres W1K 4AB
United Kingdom/Royaume-Uni

Web site: www.UnitedKingdom.gc.ca

وفعلا ..وفي خلال 10 ايام أصبحت الباسبورتات في طريقها الى لندن …

حطيتهم في ظرف كبير … وبعت معاهم ظرف تاني كبير فاضي …زي ماطلبوا …. ورحت للبريد السعودي الممتاز وبعتهم …
كنت عايز ابعتهم مع ال DHL حسب ماسمعت عندهم خدمة اعادة الباسبورتات ليك بعد ماتخلص …

لكن ولأني مقاطع ال DHL فكملت على مبدأي .. وربنا يستر …

واديني في انتظار الباسبورتات وربنا يرجعها بالسلامة ..
هم بيقولوا ان الحكاية دي بتاخد 6 اسابيع عندهم .. يعني على آخر ابريل بالكتير المفروض يكونوا عندي هنا ان شاء الله

من اللي قريته .. الناس بتوصلهم الجوازات في وقت أقصر من كده بكثير … نقول يارب ..

فكرت جديا اني انزل بنفسي لندن اقدم الباسبورتات واخد الفيز وارجع .. لكنهم كانوا كاتبين اللي عايز يعمل كده مافيش مشكلة بس الحكاية هتاخد اسبوعين …. وصعب الان اني اخد الاسبوعين دول وانا محتاج كل يوم من اجازتي في اللاندينج

او ده اللي انا كنت فاهمه … لأن بعد كده قريت ان الناس خلصت اللاندينج في 10 ايام بس … وانا كنت فاكر اني هحتاج شهر فوق الشهر …
مافيش مشكلة ماحدش بيتعلم بالساهل ….
وده هو أساس كتباتي للموضوع ده … علشان اللي ظروفه مشابهة لظروفي تكون عنده تجربة من اولها … حدث بحدث هاكتب اللي بيحصل هنا ان شاء الله

هاكتب حتى الحاجات اللي بافكر فيها واللي قالقاني .. والقرارات اللي هاوصل ليها ان شاء الله … علشان
1- استفيد من تجاربكم جميعا
2- غيري يستفيد من كل اللي بيحصل معايا

وإن شاء الله الخير كله في انتظاري .. وانتظارنا جميعا

 

هذه المقالة كُتبت في التصنيف 0- خواطر و يوميات, إجراءات الهجرة ومراحلها. أضف الرابط الدائم إلى المفضلة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.