سؤال المليون … السعودية والا كندا

ماسبق في حديثي كان عن المعلوم كما أسلفت …. 

خلوني اسجل معاكم الحاضر ….

السؤال اللي بيدور في العقل … ياترى عايز تسافر ليه …
جوازك المصري موجود … ومانتاش محتاجة جواز تاني .. الفيز بتاخدها لكل مكان .. بتتعب شوية في بعضها لكن كونك في شركة محترمة .. الأمور بتخلص ومافيش مشاكل انك تزور أي مكان

علشان ماتفهمش غلط …. السعودية بلد جميلة جدا … بس لأهلها … وانا 38 سنة فيها .. لكني ماحسيتش أبدا اني من أهلها … كفاية بس تنزل المطار فيها وانت تكره حياتك …
عشت فيها حياتي .. ربنا أكرمني فيها آخر كرم … دراسة وعمل وزواج واولاد .. اللهم لك الحمد والشكر … حياة يتمناها الكثير من السعوديين أنفسهم ولا يجدونها … 
فضل الله عليّ كبير … ودعوات أمي رحمة الله عليها كذلك لها الدور الكبير ..

طيب … كل ده وعايز تسافر !!!

الأولاد هم كلمة السر …
انا تربيت في السعودية … ومش عايز أولادي يمروا بنفس التجربة … عايزهم يعيشوا حياة فعلا … حياة ليه طعم وفيها تجارب متعددة .. علشان لما يكبروا ان شاء الله يضيفوا للدنيا دي 

فهل المعادلة هنا متوازنة … والكفة تميل فعلا لصالح الهجرة ؟
أم أنني مازلت افتقد الى بعض الحقائق التي قد تقلب الميزان في وجه الهجرة وترجح الوضع الحالي اللي انا عليه ؟

ماأنا مقتنع به … أن كل يوم زيادة لي في السعودية هو من الخسائر التي يجب الحد منها … فهل أنا مُحقّ ؟

Facebook Comments
هذه المقالة كُتبت في التصنيف 0- خواطر و يوميات. أضف الرابط الدائم إلى المفضلة.

تعليق واحد على: سؤال المليون … السعودية والا كندا

  1. كريم كتب:

    فعلا اسوء من الحياه في الخليج لايوجد العنصرية صعبه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *