ورقة العفش … المعضلة الكبرى للمهاجر إلى كندا


هاتكلم بالتفصيل عن الليستة بتاعة العفش …
اللي انا عملته كالآتي …
1- نزلت الفورم ده

http://www.cbsa.gc.ca/publications/forms-formulaires/b4-eng.pdf

“تحديث 12 أغسطس 2017” .. اللينك الجديد لقائمة العفش …. 
http://www.cbsa-asfc.gc.ca/publications/forms-formulaires/bsf186-eng.pdf

ماطبعتوش وكتبت المعلومات بايدي .. لأ مليته على الجهاز باستخدام برناج الادوبي .. علشان بعد مابتملا البيانات الملف يحولها الى نموذج كامل وتقدر تطبعه بعد كده … 

ادي صورة النموذج بتاعي بعد الطباعة …

b4-eng

وكل بند من البنود المكتوبة عملت بيه قائمة في ملف اكسل … وده مثال

ex 6


عملت نسختين .. وده شيء مهم .. نسخة هم هياخدوها ونسخة هيدوهالك بعد ما يختموها …

بشكل عام ماكنتش عام جدا في وصف أغراضي .. وماكنتش دقيق جدا ..
يعني طاولة طعام كذا شخص بملحقاتها … 5 غرف نوم بملحقاتها ..
والذهب قسمته لخمس أقسام
الحلقان – الخواتم – السلاسل – الاساور – الالماس ,, وصور لكل قسم من الأقسام الخمسة دي .. نسخة ليهم ونسخة لي ..
وعملت برضة قائمة بالحاجات اللي معايا … بس من غير صور … وقائمة مختصرة جدا … وزي ماقلت قبل كده ماحدش شافها وماحدش اهتم بيها …

موظفة الجمارك لما شافت الليستة منظمة بالشكل ده انبسطت جدا … ومادققتش كتير … بس قرت القوائم السبعة كلها وسألتني عن عفش البيت لأنها شافت انه كتير شوية … فشرحتلها ازاي في السعودية الدنيا حلوة وسهلة 🙂 شوية وهتقولي طب انت جاي ليه

وزي ماقلت قبل كده .. تعمدت اني ماحطش صور الذهب في الأول واشوف هتسأل عنهم والا لأ ؟؟ … وسألت فعلا ..
نفس الشيء بالنسبة للفواتير … اخدتهم معايا بس ماحطيتهومش مع الورق .. وهي ماسألتش عنهم ..

أعتقد ان القائمة لما تكون منطقية .. ويطمنوا للأرقام اللي فيها مش مبالغة .. بتمشي الأمور ميسرة ..
لكن لو حدث وشافوا حاجات عجيبة بالنسبة ليهم بيشكوا ويبدأوا يطلبوا اثبتات او اوراق أخرى ..
يعني انا من بين كل الورق .. وقفت عند طاولتين السفرة اللي انا كاتبهم .. قعدت دقيقتين تحاول تفهم ليه عندنا طاولتين طعام بحجم 8 كراسي للطاولة … قعدت تكلم نفسها .. وماعرفش عن قصد او لأ .. لقيتها بتسأل رهف بشكل مفاجئ .. بتعملوا ايه بطاولتين طعام في البيت .. فردت رهف وقالتها وحدة للرجال ووحدة للنساء …
فاقتنعت وكملت …

يارب أكون كده قدرت أوضح النقطة دي ….

بالتوفيق للجميع

Facebook Comments
It's only fair to share...Share on FacebookShare on Google+Tweet about this on TwitterShare on LinkedIn
هذه المقالة كُتبت في التصنيف إجراءات اللاندينج وما بعدها. أضف الرابط الدائم إلى المفضلة.

  1. عبدالرحمن الطويل كتب:


    للتوضيح …
    Doc#: هو الرقم اللي موجود في الورق المكربن بتاعك .. هتلاقيه في أعلى اليمين .. تحت ال Client ID

    اما العنوان فهو العنوان اللي في كندا … بما إني كان عندي عنوان في كندا …
    ومعرفش بصراحة ايه اللي المفروض يتكتب لو ماعندكش عنوان …

    رحلة سعيدة

  2. عبدالرحمن الطويل كتب:

    بالنسبة للحاجات اللي بتنكتب في النموذج اللي فيه الحاجات اللي جاية معاك .. هتكتب كل حاجة جاية معاك برضه .. وبنفس التقسيمة …
    وماتنساش ترجع تكتبهم تاني في النموذج اللي فيه الحاجات اللي جاية بعدين …

  3. DrHala كتب:

    جزاك الله خيرا

    • عبدالرحمن الطويل كتب:


      وإياكِ يارب …

      النصيحة اللي اتقالت لي وباقولها للكل .. اكتب كل حاجة عندك .. لو ماجبتهاش بكرة لكندا مش هتخسر حاجة … لكن هتخسر لو ماكتبتش وبعدين فكرت انك تجيبها كندا

      بالتوفيق يارب

  4. محمد كتب:

    شكرا ياباشمهندس على الشرح الجميل ده بس لو ممكن سؤال هيه الملابس نحطها هى كمان ولا انعمل ايه …ولو هنكتبها نقول مثلا بدلتين وقمصين وهكذا ولا نعمل ايه فيها …انا اسف بس الصور او اللينك الخاص ب b4 وكمان Excel مش ظاهر فيه حاجة…شكرا جزيلا واسفين للازعاج

    • عبدالرحمن الطويل كتب:


      هاشوف ككاية الصور دي لما ارجع البيت ان شاء الله

      بالنسبة للملابس فانا كتبتها كبند واحد .. ملابس وجنبها قدرت القيمة وبس ..
      نفس الكلام للكتب .. وادوات المطبخ .. يعني ماكتبتش التفاصيل .. كتبت كل بند بشكل عام ..
      هاحاول اشوف الصور لما ارجع البيت لانها هتوضح الصورة اكتر إن شاء الله

  5. مجمد كتب:

    شكرا ياباشمهندس جزاك الله كل خير

  6. محمد كتب:

    فى انتظار الصور ياباشمهندس لو ممكن حتى تبعتهالى على الميل. Mo7amedsalem at yahoo.com

  7. محمد كتب:

    تمام ياباشمهندس تسلم ايدك بس معلش سؤال عارف تعبتك واسف للازعاج ..هيه الليست المفصله شافوها برده ولا b4 بس..وبالنسبه للاسعار حولت تمنها الاصلى ل دلار كندى ولا شوفت سعرها بكام فى كندا وحطت السعر…وبرده لو مثلا لاب توب قديم اكتب سعره الاصلى ولا الحالى على اساس انه مستعمل. ..اسف على الاطاله وربنا يجزيك خير

    • عبدالرحمن الطويل كتب:

      شافوا القائمة المفصلة … زي ماقلت في كلامي فوق وقفوا عند السفرتين وليه عندنا سفرتين …
      وختموا على كل صفحة منهم كمان ….

      الأسعار كلها كانت تقديرية .. وكانت أسعار السعودية وحولتها للكندي … يعني خليك في المعقول … سواء عايز تحط سعر الشراء الأصلي أو السعر الحالي مش هتفرق كتير …

      ماحدش منهم ناقشني في الأسعار …. لكن انا كنت واخد معايا فواتير كل قطعة غالية … احتياطا

      اسأل ولا يهمك … ربنا يوفقك في رحلتك

  8. مصطفى كتب:

    ممكن تقولنا تجربتك فى شحن الأثاث من السعودية لكندا بامثلة لايه كانت تكلفة شحنه كام وبياخد وقت قد ايه وهل اتبهدل ولا وصل كويس؟

    • عبدالرحمن الطويل كتب:


      ماشحنتش أي حاجة لكندا … كل اللي نقلته كندا كان في الشنط معايا … حاجات رفائع يعني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *