رخصة القيادة الكندية … نعم نعم


ربنا يخليلنا التكنولوجيا … والايفون طبعا 🙂
باشبك الكمبيوتر مع الايفون وادخل النت براحتي ..
انا قدمت مع اكاناك .. ويارب يكون الاسم صح … بس التفعيل هيكون يوم 17 نوفمبر … يومهم بسنة الناس هنا 🙂

النهاردة رحت لمركز السواقة اللي في لورانس .. وقدمت على ال G1 بعد ماسهرت امبارح على التدريب اللي في الموقع الجميل ده
http://find-a-driving-school.ca/free…st-road-signs/
بعد مافحصوا النظر وكتبوا شوية معلومات … دخلت للاختبار وخلال 10 دقايق كان منتهي .. لأنه كله كان من الموقع اعلاه …
وبعد خمس دقايق نادوني وادوني رخصة مؤقتة .. ورقة فيها اسمي وعنواني وتوقيعي .. على أساس هيبعتوا الرخصة للعنوان خلال 6 أسابيع … مش باقوللكم يومهم بسنة الناس دي ..

واحنا جايين عايزين نشتغل من تاني يوم 🙂

اتصلت برضه مع مركز من اللي بيساعدوا الناس الجدد .. واخدت موعد على الساعة وحدة .. اروح اشوف كده ممكن يعملوا ايه ويساعدوا ازاي

فارس اللي كان بيعيط من يومين مش عايز يروح المدرسة .. النهاردة بيعيط وعايز يروح المدرسة … من الصبح داوشنا .. اشمعنى روان راحت وانا لأ … عايز اروح للتيتشر ..
طبعا هو دوامه نص يوم … من 12ونص الى 3 وربع …

سبحان مغير الأحوال 🙂 عمره ماعملها في السعودية

Facebook Comments
هذه المقالة كُتبت في التصنيف الإتصالات في كندا, التعليم في كندا, المواصلات في كندا, منظمات كندية. أضف الرابط الدائم إلى المفضلة.

تعليق واحد على: رخصة القيادة الكندية … نعم نعم

  1. محمد نصر كتب:

    الله يحفظهم لك ويفرحك بيهم ويقويك عليهم ياباشمهندس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *