وترجمنا وعدلنا البيانات … تطعيمات الأولاد

http://www.abdutaweel.com/english/?p=775

تكملة لموضوع الأولاد والتطعيمات ….. 

رحت للعيادة فعلا في اليوم المفتوح … أخذت الأولاد الثلاثة معايا … لقيتهم سجلوا المعلومات اللي كانت موجودة في ورقة التطعيمات اللي اديتهالهم يوم التسجيل … وللأسف تسجيلهم للمعلومات ماكنش دقيق  …. لذا كتبت الممرضة مجموعة من التطعيمات لكل واحد منهم … 

بصراحة أنا ماكنش عندي مشكلة …. قلت بيني وبين نفسي .. هم أدرى … بس كالعادة لازم اسأل ايه اللي انتي كاتباه ده … علشان أتأكد اني فاهم صح … شرحت التطعيمات اللي هي مقترحاها لكل واحد منهم … من ضمنها ذكرت التطعيم ضد الجدري المائي “العنقز” … ففوجئت برهف بنتي بتقول يابابا أنا اخدت التطعيم ده قبل ده …. 
انتبهت وقتها للحقيقة المرّة … 

1- الورقة اللي انا قدمتها للعيادة وقت التسجيل كانت ورقة التطعيمات اللي وصلتني ومع التأشيرة الكندية .. واللي ترجمناها في المستشفى في الدمام … للأسف الورقة دي كان فيها تطعيمات معينة .. فالدكتورة هناك كتبت التواريخ اللي تم تطعيم الأولاد فيها التطعيمات المكتوبة فيها … وبس … صحيح ان الورقة كان مكتوب فيها “أخرى” .. بس ماهتميناش نملاهم … 
2- حتى الورقة دي بالمعلومات اللي فيها ماتمش ادخالها في النظام عندهم بشكل صحيح …

وبناء عليه .. قلتلها تستنى شوية .. وبلاش ياخدوا حاجة دلوقتي .. على أساس اني هاروح امخمخ على ورقة التطعيمات بتاعتهم واترجمهم انا وارجع اسلمها ليهم …. وفعلا ده حصل … ورحت النهاردة بالترجمة بتاعتي … ولقيت ان نص التطعيمات اللي كان مقترحينها مالهاش لازمة … 
ولقيوا ان فارس ماشاء الله تطعيماته كاملة … واضح ان السعودية ماشية على نفس التطعيمات .. ويمكن أكتر …. 
لكن البنات ناقصهم تطعيمة كل وحدة منهن … 

واتفقنا ان احنا نجيبهم في اليوم المفتوح القادم للتطعيمات إن شاء الله ….

كل مركز صحي هنا ليه يوم مفتوح في الشهر .. أعتقد خمس مراكز صحية في المدينة كلها … بخمس أيام مفتوحة في الشهر …. وانت اختار اليوم اللي يعجبك وروح طعمهم فيه …. 

ربنا يحمي أولادنا جميعا ويحمينا من كل شر 

هذه المقالة كُتبت ضمن التصنيف الصحة في كندا. الوسوم: , , . أضف الرابط الدائم إلى المفضّلة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.