اليوم المفتوح .. المدارس الثانوية

 

هذه الفترة هي فترة تسجيل الطلبة في المدارس للعام القادم … كل طالب بيقول هو ناوي يدرس فين السنة الجاية انشاء الله … 

الهدف هو محاولة حصر الأعداد المتوقعة في كل مدرسة … والفائدة من كده انه يتم الاستعداد للعدد ده … الاستعداد بيكون في عدد الفصول … وعدد الأساتذة … كام فصل جديد محتاجين يضيفوا … وكام مدرس ومدرسة محتاجين يعينوا في المدرسة … وياترى امتى هيحتاج يبنوا مدرسة جديدة في المنطقة … الخ الخ الخ …

المدارس هنا في ساسكتون نوعين … ماقصدش الكاثوليكي والعام .. انا باتكلم عن المدارس العامة …. مدارس ابتدائي .. من الكي جي لغاية السنة الثامنة … يعني تانية اعدادي بلغتنا العظيمة … بعد كده بيروح الطالب للهاي سكول .. أربع سنوات … المراحل من 9 الى 12

عدد المدارس الثانوية مش كتير في ساسكتون .. عشر مدارس تقريبا … ومافيهاش شرط المكان زي المدارس الابتدائية … أي طالب ممكن يدخل المدرسة الثانوية اللي هو عايزها … علشان كده كل مدرسة منهم بتحاول انها تتميز ومن خلال تميزها تستقطب أكبر عدد من الطلاب الجدد … التميز بيكون من خلال البرامج الجانبية الاختيارية اللي بتقدمها المدرسة للطلبة بالإضافة للمادة العلمية … 

بداية من الأسبوع اللي فات … ولمدة اسبوعين .. كل مدرسة عاملة يوم مفتوح للطلبة اللي في السنة الثامنة .. وأولياء الأمور .. يروحوا يشوفوا المدرسة .. ويتكلموا مع الطلبة اللي فيها .. ويتعرفوا على الأنشطة والبرامج اللي بتقدمها المدرسة … 

يوم الخميس اللي فات .. كان موعدنا مع أحد تلك الأيام المفتوحة .. في مدرسة .. Centennial Collegiate

اليوم كان جميل جدا …. حاجة فخيمة خالص …

هذه المقالة كُتبت ضمن التصنيف التعليم في كندا. الوسوم: , , , . أضف الرابط الدائم إلى المفضّلة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.