سهرة مصرية أصيلة

وصلتني امبارح رسالة جميلة على الموبايل .. رسالة من النوع اللي بينعش المعدة قبل العقل او القلب 🙂 … احنا منتظرينكم النهاردة في مكان التجمع المعتاد كي نتناول طعام الإفطار سويا …

ايوة كده .. هو ده الكلام … خصوصا لما تكون عزوبي … ولوحدك .. وكل يوم بتحتاس هتاكل ايه على الإفطار … فلما تجيك رسالة زي دي .. بتكون زي طوق النجاة ..

الرسالة كانت من مجموعة المصريين اللي بيتجمعوا كل شهر في غير شهر رمضان .. وكل اسبوع في رمضان … تجمع جميل من حوالي 15 أسرة مصرية … بعضهم متواجد في هذه المدينة منذ سنوات عديدة … كل أسرة بتجيب معاها اللي ربنا يقدرها عليها من أكل … ويتشارك الجميع في الأكل … أكلات مصرية صميمة .. تخيل كده الأكلة .. هتلاقيها موجودة …

افتكرت اني مابعرفش طريق المطبخ أصلا فين … يعني هاروح ليهم بطولي كده … ماينفعش … وبما اني رجل حياوي … وباتكسف قوي .. وخجول بطبعي … وأتكاثر في جنوب شرق درب التبانة … بعت وقلت ياجماعة انا باعتذر .. نشوفكم في تجمع شهر أغسطس ان شاء الله لما الأولاد يرجعوا …

طبعا انا بابعت الرد ده .. واقول يارب يكون عندهم شوية حنية وعطف ويردوا يقولوا ازاي . ودي تيجي .. تعال ياراجل تعال … ناخد فيك ثواب …. وفعلا ده اللي حصل … وطبعا انا ماكذبتش خبر …

أحلى حاجة حصلت امبارح … وقت أذان المغرب … كل واحد كان في موبايله برنامج مختلف من برامج مواقيت الصلاة … وكل برنامج كان بيرفع الأذان في وقت مختلف عن التاني … وكل واحد كان بيفطر بناء على برنامجه ….

لخبطة مابعدها لخبطة … ربنا يتقبل منا جميعا يارب … انا عن نفسي التزمت بالتوقيت اللي وزعته علينا إدارة المسجد في إمساكية شهر رمضان …

كل تجمع .. وكل يوم والجميع بألف خير

هذه المقالة كُتبت ضمن التصنيف 0- خواطر و يوميات, الترفيه والسياحة الكندية, ساسكاتون. الوسوم: . أضف الرابط الدائم إلى المفضّلة.

تعليقان على سهرة مصرية أصيلة

  1. أم عمر كتب:

    بالهنا والشفا شكل الكنافه هيبوظ الرجيم بتاعي

    • عبدالرحمن الطويل كتب:


      ههههههههههههه .. بس دي صورة من النت … اللي أكلتها امبارح كانت أحلى منها بكتيييير 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.