رحلة العودة … عبر مطار هيثرو

ازيكم ياقوم … وحشتوني  .. أجازة سريعة إلى مصر الحبيبة …. مررنا بخلالها بأرض الشهداء .. أرض الجزائر …

وها نحن نعود أدراجنا إلى مدينتنا الجميلة .. ساسكتون ….

رحلت العودة بدأت في القاهرة … وانتهت في ساسكتون .. عبر مطاري هيثرو وتورونتو …. كانت لدي خلال الرحلة ثلاث نقاط مقلقة …

النقطة الأولى: هل نحتاج إلى تأشيرة ترانزيت في مطار هيثرو … العم جوجل يخبرنا أننا لا نحتاج إلى تأشيرة زيارة إلى كل من ألمانيا وبريطانيا وفرنسا … هم دول الدول اللي انا دورت عليهم ولقيت ان حاملي الإقامة الكندية لا يحتاجون إلى تأشيرات ترانزيت للدول المذكورة أعلاه …

النقطة الثانية: هل هناك مشكلة في دخول الأولاد معي دون وجود الأم معنا …. لو تفتكروا كنت كتبت عن التخوف ده من فترة قبل السفر …. واللي حصل ان ماحدش سألني وانا داخل عنهم … يمكن زي ماقلت قبل كده لأنه لسة مش معاهم الجواز الكندي

النقطة الثالثة .. كانت في فترة الانتظار بين هبوط الطائرة في تورونتو … وإقلاع طائرة ساسكتون فقط ساعة وربع …كانت الشنط بتاعتنا هنستملها في تورونتو .. مش في ساسكتون … طبعا شيء مقلق خصوصا ان كان معانا شنطتين لكل واحد فينا … فخفت ان الجمارك تفتح عينها معانا وتطلب التفتيش واطلع الورق بتاع المتعلقات بتاعتي اللي كنا قدمناه أول يوم نزلنا فيه كندا زمان …
اللي حصل ان كان لينا طابور خاص عند الجوازات .. خلصت سريع سريع …. مافيش خمس دقايق … والشنط طلعت في خلال ربع ساعة … واحنا طالعين ماحدش وقفنا من الجمارك … عدّت سليمة …. وأخيرا .. بما إننا كان معانا كرت الصعود للطائرة .. فلقيناهم بيطلبوا منا نحط الشنط بتاعتنا في مكان مخصص للي عندهم رحلات متصلة زينا …. وخلصنا كل حاجة في نص ساعة تقريبا …
علشان نوصل لبوابتنا ونلاقي الطيارة متأخرة نص ساعة هي كمان 🙂

الرحلة كالعادة كانت طويلة … بدأت من الساعة 11 مساء يوم الثلاثاء الموافق 12 أغسطس .. بتوقيت ساسكتون … لندخل البيت في حوالي الساعة الثانية فجر الخميس … الموافق 14 أغسطس …تخللها انتظار لأكثر من 9 ساعات في مطارات القاهرة و هيثرو و تورونتو …

الأجازة كانت موفقة جدا بحمد الله … حققنا فيها كل الأهداف … وأكثر ..

والله وحده أعلم بموعد الرحلة القادمة …. وقد يكون أقرب مما أتوقع 🙂

هذه المقالة كُتبت ضمن التصنيف السفر, عام. الوسوم: , , . أضف الرابط الدائم إلى المفضّلة.

تعليقان على رحلة العودة … عبر مطار هيثرو

  1. Dr Hala كتب:

    حمد الله على السلامه يا باشمهندس معلش جت متاخره بس انا كمان كنت فى مصر ولسه راجعه

    • عبدالرحمن الطويل كتب:

      حمد لله على سلامة حضرتك يادكتورة … دلوقتي عرفنا سر الغياب .. نورتي الموقع من جديد يادكتورة ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.