عرض الضوء الساسكاتوني العظيم … احد أهم معالم شتاء ساسكتون … زي ماهو مكتوب كده في الموقع بتاعهم …
بما إن الدنيا كلها كانت مقفولة في يوم الكريسمس … وماكنش غير المكان ده مفتوح .. قلت آخد الأولاد نشوف ايه الحكاية دي … ماشفناش عرض الصوت والضوء في مصر …. قلنا نشوف عرض الأضواء المشعللة ده في ساسكتون ..
البداية من البوابة اللي باينة في الصورة فوق … 10 دولار على الشخص .. و 30 دولار للعربية باللي فيها .. حد أقصى 7 أشخاص … تدفع ثمن التذكرة … وتدخل بعربيتك …. تمشي في مسار معين … محاط بالأشكال المختلفة المتنورة بشكل جميل …
للأسف .. مافيش نزول من العربية … اتفرج وانت جوة .. واللي وراك لو زهقان هليزق فيك علشان تتحرك بسرعة
عرفت آخد شوية صور … موجودة في موقع الفيسبوك بتاعي …
الحكاية كلها مااخدتش عشر دقايق … وبصراحة مافيش أي استمتاع خالص … بس اهو تجربة والسلام …
تحياتي