تقريرك مرفوض ياولدي … يااااا ولدي

في وسط الأخبار الجميلة والأحداث الحلوة اللي باحكيلكم عنها … خلينا نرجع تاني للغم علشان نبعد العين عننا شوية

فاكرين من فترة كنت تكلمت عن نقابة الهندسة .. وعن تقرير الخبرة بتاعي اللي بعته ليهم علشان اعتماد سنوات الخبرة للثلاث سنوات المسموح بيها من الخبرات اللي كانت خارج كندا

اللجنة اجتمعت يوم 7 ديسمبر … وقررت رفض ال 3 تقارير

قالت في حيثيات رفضها إن اللي انا كتبته مش كافي انه يوضح ليهم ايه اللي انا عملته وليه المهام دي كانت محتاجة مهندس علشان يعملها ..

لسة الرد الرسمي ماوصلش لي .. لكن في تحديث على الموقع حصل

كنت دايما أسمع ان الحصول على الرخصة في أونتاريو أسهل من أي مكان تاني …. وماكنتش فاهم ليه ..
نفس التقارير اللي انا بعتها لنقابة ساسكتشوان بعت أقل منها ل نقابة اونتاريو … وقبلوها كلها .. لكن ماسمعتش الكلام وسحبت ملفي من هناك وقدمت هنا

بصراحة لسة مش عارف هاعمل ايه … ومش فاهم هم عايزين ايه بالضبط
هاطلب منهم يدلوني على حد يقدر يساعدني في تعبئة التقرير بالطريقة اللي ممكن تخليهم يرضوا عنها

كنت فاكرها هاتعدي … لكن الظاهر لسة مش وقته

الخيبة لو كان شغلي هنا كمان مش هيعترفوا بيه هو كمان

يامسهل

Facebook Comments
It's only fair to share...Share on FacebookShare on Google+Tweet about this on TwitterShare on LinkedIn
هذه المقالة كُتبت ضمن التصنيف معادلة الشهادات و النقابات. الوسوم: , . أضف الرابط الدائم إلى المفضّلة.

9 تعليقات على: تقريرك مرفوض ياولدي … يااااا ولدي

  1. ابو علي كتب:

    حاول مرة تانية يا استاذ … بس اللي انا فهمته لما زرت النقابة في تورنتو انهم بس عايزين ( سي في ) اي سيرة ذاتية بدون اي فورم معين او اشتراطات اخرى … يبدو ان الاختلاف كبير بين المقاطعات

  2. Melmasry كتب:

    السلام عليكم، ربنا يوفقك يابشمهندس، كنت عاوز أعرف هل حضرتك اخدت EIT وبتحاول في PE؟ وهل ممكن اخد EIT وأنا بره كندا؟ وايه رأيك في ساسكاتشوان وهل في أمل إنك تلاقي شغل قبل ما تقدم على Nominee Program

  3. Roo كتب:

    السلام عليكم
    1-هل يجب عمل ال APEGS قبل التقديم للهجرة الى ساسكتشوان لمهندس ميكانيكا ام يمكن عمل ال APEGS بعد الاستقرار في ساسكتشوان ؟؟
    2- هل يجب معادلة الشهادة الدراسية عن طريق الWES ؟
    وشكرا

  4. احمد ابراهيم كتب:

    الاخ عبدالرحمن،
    انا مهندس مشاريع وحاليا كنت اجهز اوراقي لساسكاتشوان ، لكن شغت انهم طالبين ما يثبت قبول ملفهم عند APEGS.
    عندك فكرة عن طريقة التقديم لانه كلامهم كثير في الموقع، وفرضا اني اخذت منهم ما يثبت قبولي وبعدين قررت اقدم لمقاطعة اخرى، اقدر ساعنها اني انقل قبولي للمقاطعة الثانية ولا لازم ابدا من جديد؟

    • عبدالرحمن الطويل كتب:


      طريقة التقديم واضحة في الموقع .. مش فاهم انا فين المشكلة والا ايه اللي مش واضح ؟

      لو تم قبولك لديهم كمهندس تحت التدريب … ممكن تعمل تحويل بعد كده كمهندس تحت التدريب لأي نقابة في المقاطعات التانية …

      بالتوفيق

  5. محمد كتب:

    طمنا عنك ياباشا ؟
    اخبار فحص الجنسية ايه ؟
    سألتهم السؤال ولا نسيت

    • عبدالرحمن الطويل كتب:

      نفس الإجابة اللي كتبهتالك قبل كده
      اكتب اللي تعرفه والحق بطلبك ورقة تشرح فيها شكوكك ومصدرها وايه اسوأ الإحتمالات

      وممكن طبعا تستعين ب تقرير ال I-94 من الحدود الأمريكية .. ووكن زي ماقلتلك تطلب من كندا قائمة بأوقات دخولك لكندا

      بالتوفيق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *