الكرت الصحي … وشهادة الميلاد .. واحنا قاعدين

شهادة ميلاد سميرة وصلت إلى البيت …. ايوة إلى البيت … ولا اضطريت اروح وآجي واتخانق ولا أي حاجة من الحاجات دي … 3 أسابيع بالتمام والكمال … بس طبعا ماننساش ان في النص كان فيه أجازات الكريسمس والسنة الجديدة … يعني في الطبيعي هتوصلك بعد اسبوع او اثنين بالكثير ..

طيب هل انا عملت حاجة .. والا هي كده بتيجي لوحدها … أكيد طبعا عملت …. 

واحنا في المستشفى … ملينا الورق بتاع إثبات حالة ولادة … واللي فيه اسم البنوتة ومعلوماتي أنا وأمها … وعنوان السكن .. الخ الخ … وكان في نفس النموذج قسم لطلب الكرت الصحي بتاعها … واللي وصل من اسبوع فعلا …. وكمان طلب شهادة الميلاد … ومكان تحط فيه بيانات الفيزا بتاعتك … تكلفة شهادة الميلاد 25 دولار … 

وبس … 

العذاب كل العذاب بقى في ازاي هاطلع شهادة ميلادها المصرية …. ده انا بقالي اسبوع باحاول اوصل لحد يرد علي في القنصلية المصرية علشان يقولي الإجراءات …. ومش قادر …. بس الشهادة لله .. الأستاذ علاء إبراهيم رجع اتصل بي مرة وسابلي رسالة انه بيرد اتصالي وكان عايز يشرحلي المطلوب ايه … ومن بعدها لا هو بيرد على التليفون ولا رجع تاني اتصل …

يامسهل

هذه المقالة كُتبت في التصنيف الصحة في كندا, المستندات الكندية. أضف الرابط الدائم إلى المفضلة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.