إجراءت جديدة لكفالة الوالدين للهجرة إلى كندا – 2017

كفالة الوالدين … إحدى الخدمات اللي بتقدمها إدارة الهجرة للكنديين … سواء من معهم إقامة أو من يحملون الجواز الكندي …

تقدم إدارة الهجرة الكندية 10 آلاف تأشيرة للآباء والأمهات … بصراحة ماعنديش فكرة كام عدد اللي تنطبق الحالة دي عليهم … وهل ال 10 آلاف ده رقم مناسب أو قليل … لكن …

النظام تغير السنة دي …

في السابق .. كانت إدارة الهجرة بتقتح الباب في بداية كل سنة لتقديم ملفات كفالة الوالدين … واول 10 آلالف يتقدموا بالورق كامل هم اللي بيكملوا .. والباقي يستنوا للسنة اللي بعدها ….

التغيير الآن … هيكون كالاتي ..
1- باب التقديم هيفضل مفتوح من 3 يناير لغاية 2 فبراير …
2- المطلوب انك تملى البيانات اللي في الموقع اللي انا مرفقه مع الموضوع ده ….
3- تبدا تجهز في الورق بتاعك …

وبعد انتهاء المدة … إدارة الهجرة هتختار 10 آلاف طلب عشوائيا …. وتطلب منهم تقديم الملفات في خلال 90 يوم بس …

طبعا مافيش معلومات ازاي هتتم عملية القرعة وتحت إشراف مين ومتابعة وتدقيق مين … لكن هو ده المتاح الآن … ويمكن يعلنوا وقتها عن تفاصيل أكثر لعملية القرعة …

اللي عايز يقدم على كفالة أحد والديه السنة دي … كل اللي عليه انه يدخل الموقع ده … ويملا البيانات المطلوبة … ويستنى لغاية 3 فبراير …

https://gcs-ssc.cic.gc.ca/pgp/default-eng.aspx?_ga=1.218301913.1527134820.1479266226

هذه المقالة كُتبت ضمن التصنيف قوانين الهجرة والجنسية. الوسوم: . أضف الرابط الدائم إلى المفضّلة.

3 تعليقات على: إجراءت جديدة لكفالة الوالدين للهجرة إلى كندا – 2017

  1. ابو علي كتب:

    شكرا للمشاركة … بس المشكلة في الحد الادنى للدخل لانه مطلوب اثبات الدخل في الاجراءات

    • عبدالرحمن الطويل كتب:


      نصيحتي .. بلاش نحط الحواجز احنا … ونسيب القرار ليهم ..
      اللي اعرفه ان القرار مابيكونش مبني على جزئية وحدة بس .. الا اذا كان مكتوب في الطلب ان ده شرط من شروط التقديم

  2. عماد كتب:

    بس أنا لاحظت انه همه حاطين كلمة انه في حد أدنى للدخل للمتقدم ع الكفالة.. كم المبلغ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *