لمحة على برنامج ساسكتشوان للهجرة السريعة إلى كندا

الخبر: مقاطعة ساسكتشوان تفتح باب الترشيح للهجرة يوم 14 فبراير الماضي … ل 500 طلب … على طريقة .. العرض ساري حتى نفاذ الكمية .. .وبالفعل في خلال أقل من 24 ساعة تقدم 500 شخص فعلا وتم إغلاق باب الترشيحات ..

الملفت للنظر إن دي ثالث مرة ساسكتشوان بتفتح فيها باب التقديم في خلال الخمس أشهر الأخيرة
الجميل إن الموضوع ممكن يكون ملائم لناس كتير في وطنا العربي … ممكن يتوقون شوقا للهجرة إلى كندا … والأجمل إن مجرد حصولك على ترشيح المقاطعة معناها ان ملف الهجرة بتاعك أصبح جاهز للتقديم ضمن برنامج “الدخول السريع” لكندا … يعني ممكن في خلال نص سنة بس تكون موجود في كندا بعد حصولك على الترشيح 

الخبر لفت أنظاري .. قلت اشوف ايه الحكاية …. وايه المطلوب … وإليكم ماوصلت له

النظام مبني على تجميع نقاط في خمس بنود … 1- التعليم؛ 2- الخبرة العملية ؛ 3- اللغة؛ 4- العمر؛ وأخيرا 5- الخبرة الساسكاتشوانية
مجموع النقاط للخمس بنود .. 100 نقطة … المطلوب انك تجمع 60 نقطة منهم … وبكده يكون ليك الحق في التقديم للحصول على ترشيح المقاطعة لك فور فتح الباب لذلك .. زي اللي حصل يوم 14 فبراير كده …
الجدول أدناه يبين توزيع النقاط بالنسبة للبنود الخمسة

1- التعليم: واضحة .. مش محتاجة شرح كتير … شوف ايه شهادتك وسجل نقاطتها
2- الخبرة العملية … ودي محتاج انك تشوف قائمة الوظائف المطلوبة في المقاطعة .. وعدد سنوات الخبرة اللي تمتلكها في المجال ده في آخر عشر سنوات … الحسبة بتاعتها مش مباشرة كده ..فهاعمل ليها موضوع منفصل إن شاء الله
3- اللغة .. تكلمت عنه في الموضوع السابق  http://www.abdutaweel.com/english/?p=1645
4- العمر … واضحة برضه ..  
5- الخبرة الساكستشوانية: ودي بقى اللي عاملة زي البونص كده … اللي بتدي ميزة للناس اللي عندها صلة بالمقاطعة … من غيرها بيبقى مطلوب منك انك تجيب 60 نقطة من 70 .. وأعتقد معظم الناس بتخسر ال 30 نقطة اللي في البند ده … 
الناس اللي عندها أي حاجة من الحاجات اللي في البند ده .. بتكون فرصهم أكبر بكثير من غيرهم …. 
عندك عقد عمل في ساسكاتشوان … يبقى كده معاك 30 من 60 … 
عندك قريب في ساسكتشوان .. يبقى كده معاك 20 من 30 .. “الأقرباء هم: الوالدين – الإخوة  – الأعمام والخالات – أولاد العم والخال – سواء قرابتهم لك أو لزوجتك” 

يعني لو كنت في عمر ال 30 … ومستواك في اللغة أقل مستوى مطلوب “4” … ومعاك شهادة جامعية .. وعندك خبرة 3 سنوات مثلا … انت كده معاك “12+12+20+6” 50 نقطة … ماتأهلكش للتقديم في برنامج المقاطعة للترشيح …  لكن لو عندك قريب في ساسكتشوان .. هيبقى معاك 20 نقطة زيادة .. وبكده يكون مجموع نقاطك 70 … 

وضحت؟

الخلاصة .. لو عندك قريب في ساسكتشوان .. وعمرك أقل من 50 سنة … ومعاك شهادة جامعية .. وتجاوزت الحد الأدني المطلوب للغة …  فإنت كده معاك أكثر من 60 نقطة .. وتقدر تقدم على طول أول مايفتحوا الباب المرة الجاية .. 

أقربائي جميعا … أهلا وسهلا بكم في ساسكتشوان … لو بتفكر في الهجرة .. ولغتك تمام … ابعتلي 

للتعرف أكثر على برنامج الترشيح الساسكتشواني … اضغط هنا 

هذه المقالة كُتبت ضمن التصنيف إجراءات الهجرة ومراحلها. الوسوم: , , , , . أضف الرابط الدائم إلى المفضّلة.

  1. راما كتب:

    64 نقطه

  2. رانيا كتب:

    63 بس عاوزة اعرف فى لسته وظائف

  3. abdelrahman كتب:

    لو انا معايا كل المتطلبات ازاى اعرف المواعيد بتفتح فيها التقديم ؟

  4. محمود سمير كتب:

    أنا ما عنديش خبرة عمل فى الoccupation in demand لكن تقريبا مجموع النقاط أكتر من 70.

    موضوع خبرة العمل مش حيوقعنى يا بش مهندس؟

    تحياتى

  5. أبو وسام كتب:

    السلام عليكم ورحمة الله
    عندي استفسارات لو امكن المساعدة فيهم:
    1- شهادتي من ضمن ال Jobs in-demand
    لكن، خلال العشر سنوات الماضية عملت بتخصصي بشكل مباشر لمدة 7 سنوات (فني معمل طبي) والان منذ 3 سنوات اعمل في مبيعات الاجهزة الطبية للمعامل الطبية (بيع،تدريب، تسويق)
    حسب ال NOC list، فني معمل طبي يكون ضمن NOC 3211، و مندوب المبيعات NOC 6221
    عندما أقدم طلبي كفني معمل بما انه هو المطلوب، هل تحسب لي سنوات الخبرة الثلاث الاخيرة رغم انها ليست ضمن التخصص؟ ام يحسب لي فقط 7 سنوات ضمن خبرة التخصص؟
    لانه في تحقق الاهلية للتقديم كان كالاتي:
    B: SKILLED WORK EXPERIENCE
    a) In the 5 year period prior to application submission date
    في هذه النقطة ينطبق علي 3 سنوات اخيرة كمندوب مبيعات، و 2 سنة كفني معمل طبي،
    فأحصل ربما على 4 نقاط فقط ان اعتمدوا اني عملت فقط سنتين ضمن المجال المطلوب
    لكن ان لم يفصلو فيه فقد احصل على 10 نقاط
    وفي البند الثاني
    b) In the 6-10 year period prior to application submission date
    سأحصل على 5 نقاط كاملة، ان شاء الله، بما انها كلها في المجال المطلوب

    فهل ساحصل على 15 نقطة (10+5) أم على 9 نقاط (4+5)؟

    بعثت لهم استفسار على الموقع فكان ردهم الآتي:
    (((Thank you for your inquiry.

    A minimum score of 60 points out of 100 is needed to apply under an SINP International Skilled Worker (ISW) sub-category. For more information please visit: http://www.saskatchewan.ca/residents/moving-to-saskatchewan/immigrating-to-saskatchewan/saskatchewan-immigrant-nominee-program/applicants-international-skilled-workers/assess-your-eligibility.

    Kind regards,
    Saskatchewan Immigrant Nominee Program (SINP)
    TD – Customer Service Officer)))

    2- هل يمكن معرفة اقل درجات تم قبولها في هذا البرنامج؟ وهل قبول المتقدمين يكون للاعلى درجات للمتقدمين ؟
    لانه ذكر الموقع ان اقل نقاط المتقدمين المقبولين في EOI بتارريخ 18/4/2018 كان 90 نقطة!!!
    لا اعرف ان كان هو نفسه طريقة قبول متقدمي ال SINP
    ان كان نعم، فربما لا فرصة لدي لان اعلى النقاط اللتي حسبتها كانت 65-67 في احسن الاحوال
    حينها ربما نغلق فكرة الهجرة -_-

    3- هل هناك مواعيد معروفة لفتح باب الترشيح؟

    نعتذر على الاطالة

    • عبدالرحمن الطويل كتب:

      1- راح تحصل على 9 نقاط … والله أعلم

      2- مادمت لحقت تقدم وقت فتح باب التقديم … وكان ورقك مطابق للشروط … وجمعت ال 60 نقطة .. فيستم قبول ملفك …
      ال EOI ايش علاقنها في ال OID ؟؟؟؟

      3- لا

      • أبو وسام كتب:

        جزاك الله خير على الرد

        1- لناخذ اسواء الاحتمالات كما ذكرت انت و توقعت انا، ربما احصل على 9 نقاط

        2- نسال الله يسهل الامور على ما ذكرت واكثر ^_^
        و بالنسبة لما ذكرت انا في الاستفسار، هو مذكور في هذا الرابط، في اسفل الصفحة
        https://www.saskatchewan.ca/residents/moving-to-saskatchewan/immigrating-to-saskatchewan/saskatchewan-immigrant-nominee-program/maximum-number-of-sinp-applications
        لم اعرف ماذا تقصد بالـ”OID”؟!

        3- ان كان فتح باب الترشيح غير معلن، هل هناك طريقة تنصج بها غير تصفح الموقع بشكل مستمر!

        4- وجدت ان عرض العمل يمنح المتقدمين 30 نقطة، لكن لنقلها بواقعية اكثر:
        كيف لصاحب عمل ان يعطيك عرض عمل لشخص لايزال خارج كندا؟ وربما نحتاج عدة اشهر للاتحاق بالعمل بعد انهاء كافة متطلبات التأشيرة!!
        هل تعرف اشخاصا انطبق عليهم هذا الامر؟
        هل عندك نصيحة اوتجربة ممن حولك او مما تعرف تتعلق بهذا الامر؟

        سامحني على الاطالة،
        جزاك الله خيرا

        • عبدالرحمن الطويل كتب:

          1- متفق معاك
          2- ال OID i هو ال Occupation in Demand … وهو البرنامج اللي انت بتقدم عليه كعمالة ماهرة … لكن ال EOI فهو خاص ببرنامج رجال الأعمال .. مالكش علاقة بيه
          3- متابعة المواقع المهتمة ببرامج الهجرة … بعضهم بيتابع مواعيد فتح البرامج من عدمها .. انا ماعنديش روابط ليهم لأني مش متابع الكلام ده
          4- جرب في job bank …. يمكن تلاقي … بس هو زي ماانت قلت … هي غالبا بتكون شبه مستحيلة … اللي اعرفهم قدموا بعروض عمل .. كان عن طريق أقارب لهم هنا أو معارف … يعني واحد عنده محل عربي مثلا .. بيجيب أحد من اصدقاؤه او اهله … الخ الخ
          https://www.jobbank.gc.ca/home

          بالتوفيق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *