بالورقة والقلم … انت عايز تهاجر ليه ؟؟

هو انت عايز تهاجر لكندا ؟؟؟
آه طبعا … ده انا ادفع عمري كله بس علشان أهرب من البلد دي ومن الوضع اللي احنا عايشين فيه ده … مش شايف الوطن العربي بقى ازاي ….
آه طبعا .. صحيح انا شغال كويس … وباكسب ممتاز جدا … بس مافيش استقرار …. اللي انا فيه ده مش مضمون وممكن ينتهي في أي لحظة .. كله بيعتمد على كفيلي وعلى ظروف البلد اللي انا فيها … مش شايف كل شوية يطلعوا قوانين جديدة وضرائب مبطنة بياخدوها مننا تحت مسميات رسوم ومعرفش ايه ….
آه طبعاعايز ادخل أولادي جامعة كويسة … عايز الفرص لمستقبل أفضل تكون متاحة ليهم … احنا هنا الجامعات غالية والدراسة مش ولا بد زي منت عارف …
آه طبعاعايز اعيش حياة إنسانية محترمة … حقوقي أكون مطمن عليها … واكون واثق ان مافيش حد هيجرح كرامتي لمجرد ان ليه ظهر أو منصب …
آه طبعاكندا فيها فرص عمل أكتر بكتير من هنا … هاضمن دخل كويس … وهاقدر أوفر حاجة للزمن .. مش زي هنا مش عارف حتى يبقى عندي بيت او عربية وكل يوم الأسعار بتغلى والسكينة بتدبحنا …

آه طبعا وآه طبعا … وبعد الكلمة دي هتلاقي حاجات كتيرة جاية في دماغك … ياريت علشان خاطري لو كنت خلاص نويت الهجرة ومشيت في إجراءاتها … ياريت تمسك ورقة وقلم وتكتب فيه انت عايز تهاجر ليه …. ايه اللي لو حصل هيخليك تعتبر إن الهدف من هجرتك تحقق … وانك مبسوط تماما …. وياريت كمان تكتب برضه ايه الحاجات الحلوة اللي انت عايش فيها الآن وعارف انك بتتخلى عنها بإرادتك في سبيل الهجرة دي … وياسلام لو تكتب فيها كمان ايه السلبيات اللي انت متوقع تلاقيها في كندا وبكل إرادتك موافق إنك تواجهها وعامل حساب ليها … 
الورقة دي خبيها كده مع الأوراق الثمينة والذهب والمجوهرات … اوعى تضيعها

لو ربنا كتبلك الهجرة … وانتقلت للحياة في كندا بإذن الله … وبعد ماتستقر أمورك وتتحقق أهدافك … هتنسى انت هاجرت ليه …. وهتكتشف سلبيات مختلفة عن اللي انت عايشها الآن موجودة في كندا انت مافكرتش فيها وماكنتش عامل حسابها … وهتلاقي ايحابيات كتير انت كنت عايش فيها بس ماكنتش شايفها وقتها …. وهتلاقي نفسك دخلت في صراعات داخلية ومزاج متعكر … وعدم رضا على الحياة الجديدة بتاعتك … يمكن تتجاوز الشعور اللي انت فيه الآن .. وتبدا تفكر جديا في العودة …

على قد ماتقدر … فكر في جميع الزوايا .. وماتفكرش بس في كفيلك اللي قارفك في حياتك ومخليك عايز تطفش من الدنيا كلها .. 

هذه المقالة كُتبت في التصنيف 0- خواطر و يوميات, إجراءات الهجرة ومراحلها, عام. أضف الرابط الدائم إلى المفضلة.

10 تعليقات على بالورقة والقلم … انت عايز تهاجر ليه ؟؟

  1. حسن المكاوي كتب:

    شكرا لك يا بش مهندس علي المجهود الجبار في نقل التجربة الرائعه التي تتمحور علي الحقيقه فقط بعيدا عن الفلسفه
    وجزاك الله خيرا

  2. محسن كتب:

    اخوي استاز عبدالرحمن الطويل … ادا كل الاشيا الي قلتها هيا اسباب مو كويسه للهجره فانت هاجرت ليش كنت عاوز تصير الريس متلا ولا اخدت الجنسية ليه كان ممكن تعيش وترجع
    الانسان الطموح يحط افضل الاماكن بباله ويوصلها انت ماجربت انك تشتغل عند كفيلك ويطلع اصلا مبلغ عليك هروب من قبل ويسيبك كدا تتفاجا فيها وقت سفرك يعطيك الاقامه ويروح تاني يوم يبلغ فيك هروب وانت ع نياتك شغال معاه .
    ماجربت تنسلب منك حقوقك قدام عينيك .
    ماجربت لما تنوي تحج ان شالله تقدم ع فيزا لبيت الله الي هوا مش ملك احد ولما توصل تلاقي الباب باسم فلان الفلاني وقتها حتعرف قد اش اصحابنا بشعين

    • عبدالرحمن الطويل كتب:


      استاذي محسن .. خليتني ارجع اقرا المقال مرة تانية علشان اشوف فين انا قلت الكلام اللي انت فهمته ده ؟؟؟
      انا ماقلتش ان دي مش اسباب تدفع الإنسان للهجرة .. ياريت حضرتك ترجع تقرا المقال مرة تانية .. وان شاء الله توصل الرسالة اللي فيه

      تحياتي

  3. محسن كتب:

    اخوي استاذ عبدالرحمن اسف لو انفعلت شوي .. بس انت لقيت فرصه حلوة جدا قبل كم يوم لقيت فيديو للشيخ النابلسي كان بيذم الهجره والي بيهاجرو لبلد غير مسلم واستدل بحديث صحيح في صحيح مسلم لكن غفل عن ذهنو ان الشي دا يكون في حال وجود الدوله المسلمه ( الي ماتعترف بالجنسيات فاساسنا ديننا فقط وبيعتنا ) اخوي الغالي الافضل من الهجرة هيا اننا نصلح بلدنا لتكون بجد حضاره اسلاميه انسانيه ودوله متحضرة قويه متينه تحفظ كل الحقوق لكل من يحتمي فيها وليس شعبها فحسب في هذه الحاله نعم الهجرة لاتجوز لكن انحنا ابتلينا بناس ماتخاف ربها بشي وابتلينا انهم تسلطو علينا لو حاولنا نصلح السجن قدامنا والحبس من وراءنا فهما كانت كندا فيها سلبيات انت عندك الفرصه تبني فيها دوله اسلاميه بنفس الاسس والطرق المشروعه .. اخوي عبدالرحمن
    احد اجدادي قد ذهب الى اندونيسيا وكانت لم يصلها الاسلام بعد وانظر لها اليوم دوله اسلاميه عريقه ومحترمه
    هل قال لا فيها سلبيات وكدا
    الاخر ذهب الى افريقيا وانظر لها اليوم في كينيا وتنزانيا من مدا طويله راحو ماقالو الغربه لها سلبيات
    استتمر الفرصه الي عندك واوصل فيها لابعد مدى
    قد سمعت من الاخبار انو وزير الهجره كان مهاجر صومالي اسممو احمد حسين
    استتمر الفرصه وكون في مكان احسن منو او خلي ابناءك بمكانو
    مهما كان السلبيات فماهي قد تسلط الظالم عليك وعلى اهلك وناسك الظالم مابيرحمش ولا بيخاف من ربنا وعندك فرعون جالو نبي ومع كدا ظل يقول انا ربكم الاعلى
    الرساله الي فهمتها من مقالتك انو كندا فيها سلبيات او ادا حتروح لالالالالالا بطل لانو فيها سلبيات
    مهما كانت سلبياتها ماهي متل الكوارت والصواعق الي عندنا
    اخوي الغالي انا كنت طالب علم شرعي ودكتور طب بشري وصحفي بسيط اغطي بعض المقالات وعضو ببعض الجمعيات والله العظيم الدين برئ من امتال هولاء الدين برئ من امتالهم ومن تسلطهم ولنا في سيدنا الحسين بن علي رضي الله عنهما القدوة في عدم الخضوع للظالم الغاشم ويمكن دي تكون الطريق لبدايه جديده بعالم الاسلام ونور جديد ينور من بلاد العجم لينير ارض الاسلام تاني . لاتضيع الفرصه الي ربنا انعم عليك فيها واشكر واحمد واذكر نعم الله الي منها عليك بالخروج من بلاد الظلمه لبلاد النور واسف للاطاله .

    • عبدالرحمن الطويل كتب:


      استاذي محسن … معاك حق .. تركيبة مقالي ممكن ماتوصلش الرسالة بشكل واضح .. اعتذر عن ذلك

      ماقصدته سيدي … هو دعوة لمن هاجر بأن يتذكر دائما الأسباب التي دعته للهجرة يوما ما .. فالتحديات كبيرة في كندا .. ومع الوقت ربما ينسى او يتناسى سبب وحوده في كندا … ويضعف أمام تحدياتها .. ويفكر جديا في العودة … او يعيش حياة مكتئبة صعبة قاسية …
      فلو كتب منذ البداية .. في ورقة .. الأسباب التي دعته للهجرة .. ستساعده هذه الورقة على تذكر أنه مهما واجه من صعوبات فهي في سبيل الخلاص من صعوبات أكبر كانت في بلاده ..

      وماأجمل لو فكر قليلا قبل رحلة الهجرة في نوعية التحديات والصعوبات التي من المتوقع أن يواجهها في كندا … كي يسهل عليه العمل على تجنبها .. او التعامل معها حال حدوثها لا قدر الله ..

      أرى أمامي حالات لأشخاص تناسوا أسباب هجرتهم التي مازالت قائمة … من أجل بعض التحديات التي لاترقى ألدا لأي سبب من الأسباب التي دفعته للهجرة

      تحياتي لحضرتك .. وشكرا لإثرائك المقال بأبعاد أخرى لم اتطرق لها ..

      تحياتي

  4. محسن كتب:

    فعلا اخوي الواحد لازم يكتب اهدافو في ورقه خصوصا بعيده المدى

  5. محسن كتب:

    ولك مني فائق الشكر

  6. سألت نفسي كتب:

    السلام عليكم
    الاخ محسن كلامة يعكس الواقع المر، فدولة مثل السعودية التي تقول بتطبيق الشريعة، فيها ظلم اصيل و متأصل ونظام عنصري ضد انسان الا الخليجي. ثم تاتي بعدها الكويت ثم قطر.
    وا اسفاه ان تكون الدول الغربية هي اكثر عدلا وانصافا من دولة الظلم الظلام السعودية.
    —————–
    السببان الرئيسيان:
    اريد الهجرة لاني اعشق العلم، ولم استطع اكماله في البلد الذي انا فيه لأنه حصري اولا للخليجيين !!!!!
    اريد الهجرة لانها قد تكون لي فرصة “بحمر النعم” ودعوة الناس للاسلام ولو باخلاقي (كاضعف الايمان)
    ثم:
    اريد الهجرة لاني مغترب منذ سن الـ17 لوحدي واعيش اتنقل من مكان الى مكان
    اريد الهجرة لاشعر اني انسان ذو انسانية وحق وحقوق بعيدا عن النظرة الدونية
    ——————-
    اخواني المهاجرين
    لا تنسوا الدعوة لله
    لا تنسو عكس الصورة السليمة عن المسلم
    لا تنسى ان جارك و زميلك وووو غير المسلم سيخلد في النار ان لم يسلم فكن المنقذ له بما تيسر
    لاتغركم رفاهية العيش و دفء الفراش عن الدعوة للاسلام
    كن داعيا باخلاقك، بكتيب، بكلمة طيبة، بابتسامة، باي شيء
    (انا لست متدين بشكل كبير وقد لا اكمل جزء عم حفظا ولكني احزن على كل من هو غير مسلم)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.