الجزء الأول : التحضير لامتحان الجنسية الكندية

بناء على طلب المتابعين للصفحة … هاشارك معاكم المعلومات اللي انا اعرفها عن إمتحان الجنسية  و مابعده من انترفيو …
انا طبعا لسة ماخضتش التجربة دي … وقتها ان شاء الله هاحكيلكم عن كل اللي حصل معايا …
لكن خلوني احكيلكم عن اللي انا اعرفه من خلال قصص اللي خاضوا التجربة فعلا …

في الجزء ده هاتكلم عن التحضير للإمتحان … وفي الجزء الثاني هاتكلم عن يوم الإمتحان إن شاء الله 

بداية .. وحسب القانون الحالي .. أي حد كان عمره بين ال 14 وال 64 لحظة توقيعه على طلب الجنسية … مطلوب منه او منها إثبات اتقانهم للغة سواء الإنجليزية أو الفرنسية … وكمان مطلوب منهم اجتياز مايسمى باختبار الجنسية الكندية …

وزي ماهو معروف … في خريف 2017 سيتم تغيير العمر .. وهيبقى مابين 18 و 54 سنة … بإذن الله

للتحضير لليوم ده مطلوب منك 3 حاجات:

1- مذاكرة وقراءة الكتاب الرسمي – اضغط على الصورة للوصول إلى صفحة الكتاب .. الخيارات متعددة هناك .. ممكن تحمل الكتاب .. او تسمعه .. او تقراه اون لاين … وممكن كمان تطلب نسخة توصلك بالبريد …
 اقترح قراءة الكتاب من الجلدة إلى الجلدة مرتين على الأقل … وبعدها تعمل امتحان لنفسك من خلال المواقع اللي بتحاول انه تحاكي الإسئلة اللي بتيجي في الإمتحان … من المواقع دي:

1. http://www.citizenshipsupport.ca/
2. http://www.yourlibrary.ca/citizenship/mobile/
3. http://citizenshipcounts.ca/quiz
4. http://www.v-soul.com/onlinetest/
5. http://www.apnatoronto.com/canadian-citizenship-test-practice/

ماتسيبش الموقع لغاية ماتاخد 100%  في 20 سؤال … مرتين ورى بعض …

الإمتحان عبارة عن 20 سؤال .. تعدي لو جاوبت 15 سؤال صح … ومدة الإمتحان على ماأعتقد نص ساعة … 
حسب الإحصاءات .. 80% بيعدوا الإمتحان .. وإن شاء الله تكون انت واحد منهم … 

 

2- قراءة طلب الجنسية بتاعك .. الطلب اللي انت قدمته للجنسية … شوف المعلومات اللي انت كتبتها .. وتأكد من انك عارف المعلومات دي .. جاهز للإجابة على أي معلومة منهم بدون تردد وقت الإنتريفيو … 

 

3- الوثائق الأصلية … مع طلب الجنسية كان فيه قائمة بالحاجات المطلوب ارفاقها مع الطلب … كل اللي موجود في القائمة دي لازم تاخد الأصول بتاعتها معاك … لازم تنتبه في خطاب الدعوة للإمتحان اللي بيبعتوه ليك لو كان فيه وثائق تانية مطلوبة … 
وده مثال للوثائق اللي انطلبت مني .. 

Facebook Comments
It's only fair to share...Share on FacebookShare on Google+Tweet about this on TwitterShare on LinkedIn
هذه المقالة كُتبت في التصنيف إجراءات الجنسية ومراحلها. أضف الرابط الدائم إلى المفضلة.

تعليق واحد على: الجزء الأول : التحضير لامتحان الجنسية الكندية

  1. تنبيه: الجزء الثاني … يوم الإمتحان .. يُكرم المرء أو …… امتحان الجنسية الكندية | الطريق إلى المجهول – عبدالرحمن الطويل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *