يوم ساسكاتشوان … وحديقة ال Pike Lake

غدا هو اليوم السابع من أغسطس … أول يوم “إثنين” في هذا الشهر ….. وزي ماقلتلكم قبل كده وانا باشرح ليكم أيام الأجازات الرسمية هنا في ساسكاتشوان … أول أيام الإثنين في شهر أغسطس هو أجازة رسمية في ساسكاتشوان …. اسمه “يوم ساسكاتشوان” ….

للمشاهدة .. تعرّف أكثر… 11 يوم أجازة كندية في السنة

بما أنها اجازة “لونغ ويك ايند” … أو أجازة نهاية أسبوع طويلة … فالناس بتستغل الأجازة دي وبتعمل حاجة مختلفة . 

وانا قررت مع أسرتي الصغنطوطة ان احنا نطلع لبحيرة قريبة من ساسكاتون .. تبعد عنا تقريبا 30 كم … قلنا نطلع بدري بدري علشان نلحق قبل ماتحمى شمسنا الحبيبة … وفعلا .. قبل الساعة 10 كنا في طريقنا للبحيرة … ودي شوية معلومات عنها

– البحيرة مش من ضمن الحدائق اللي الدخول ليها مجانا هذا العام بمناسبة ال 150 سنة كندية …. 
– تذكرة الدخول قيمتها 10 دولار للسيارة الواحدة لليوم الواحد … فيه خيارات تانية للي عايز يقعد فترة أطول …
– المكان عبارة عن شاطئ على النهر … ومسبح … ومنطقة ألعاب … ومنطقة للشوي .. ومنطقة للمشي وسط الأشجار 
– هتلاقي بعض أدوات السباحة موجودة على الشاطئ … خد اللي انت عايزه .. ورجعه مكانه لما تخلص …
 

– المسبح الموجود مسبح خاص .. يعني مش من داخل ضمن قيمة تذكرة الدخول للبحيرة … 5 دولار تذكرة الأكبر من 18 سنة … و دولارين لمن هم أصغر من 18 سنة … هتدفع هتدفع سواء دخلت تسبح او دخلت مرافق لحد تاني

– منطقة الشواء وجلسات الطعام فيها شوايات زي اللي في الصورة دي … وكراسي وطاولات للجلوس والاستمتاع بالأكل

– مياه الشرب متوفرة هناك .. لو ماجبتش المية بتاعتك .. لاتقلق .. المياه موجودة .. ومجانا …

– فيه طبعا سوق ومطعم صغنطوط للي عايز يشتري حاجة …
– الأجواء كانت رائعة .. درجة حرارة 23 … والغيوم مالية السماء … والشمس مش حامية … وأهم حاجة .. مافيش حشرات وبعوض كتير ومزعج كالعادة في الوقت ده من السنة

– وأخيرا … تعرفوا على الضيف الجميل اللي كان مواجهنا طول وقت الشواء والأكل …


Facebook Comments
It's only fair to share...Share on FacebookShare on Google+Tweet about this on TwitterShare on LinkedIn
هذه المقالة كُتبت في التصنيف الترفيه والسياحة الكندية, ساسكاتون. أضف الرابط الدائم إلى المفضلة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *