مجانية التعليم في كندا … بين الواقع والخيال

هل التعليم فعلا مجاني في كندا؟؟؟

قبل ماأتعمق في الموضوع ده …. اللي حابب يتعرف أكتر على منظومة التعليم في كندا .. وحكاياتي عنها … ياريت يضغط هنا 

تقول الأسطورة .. أن التعليم المدرسي ماقبل الجامعي هو مجاني لجميع الأطفال في كندا … فهل الجملة دي صحيحة …
طيب مين بيصرف على المنظومة التعليمية ؟
التبرعات يعني … والا الحكومة ؟
طيب لو كانت الحكومة اللي بتصرف عليها … بتصرف عليها منين ؟

ياسلام علي كده وانا عامل فيها الإتجاه المتنيل على عينه ده … 🙂

طيب .. خلونا نلقي نظرة على دخل المدارس العامة في ساسكاتون .. اللي عايز يشوف التقرير هيلاقيه في الرابط ده: Saskatoon Public Schools Budget Report

مجموع الدخل المتوقع لميزانية المدارس العامة في ساسكاتون لعام 2016-2017 كان تقريبا 314 مليون دولار كندي … التفصيل في الصورة أدناه .. ومعاها أرقام السنة اللي قبلها …
لو لاحظت … هتلاقي ان 94% من الدخل جاي من جهتين … ضرائب المنازل .. ومن الحكومة المحلية …. ودي برضه جاية من ضرائب الدخل … 
فانت في النهاية بتدفع بتدفع … سواء عندك أولاد أو لأ … ماتزوجتش لسة او عندك 10 أولاد … بتدفع بتدفع … 
ضرائب المنازل .. بيدفعها كل الناس … محدودي الدخل أو اللي دخلهم في العلالي … حتى لو بتاخد معونات .. فانت بتدفع … لأن جزء من ايجارك .. او جزء من ضرائب المنزل بتاعك لو كنت بتملك منزل .. بيروح للمدارس …. 
ضرائب الدخل … ودي بيدفعها المقتدر … وبرضه سواء عنده أولاد أو لأ … 

فياترى … لو طلع قرار بكرة بإنهم يشيلوا بند المدارس من الضرائب .. قلل ضرائب الدخل والمنزل على الناس … وخلوا المدارس بفلوس … ايه اللي هيختلف؟ وهل ده أفضل للناس كلها … والا هيكون فيه ظلم لفئة على حساب فئة؟

 

Facebook Comments
هذه المقالة كُتبت في التصنيف التعليم في كندا, ساسكاتون. أضف الرابط الدائم إلى المفضلة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *