يوم العيد .. أحلى صحبة … وأحلى احتفالية – ساسكاتون الكندية – 1439 هـ

كل عام وأنتم جميعا بألف خير …. مافيش أجمل من الاحتفالات باللحظات الحلوة الجميلة … ومافي أجمل من انك تقضي الوقت الجميل ده مع ناس جميلة وتستمع بصحبتهم

من الحاجات اللي بأحرص عليها في احتفالات أعياد الفطر والأضحى … اني باخلي البيت كله يستشعر معنى الفرحة في اليوم ده … وان البيت كله يتفرغ تماما للاحتفال بالأيام المباركة دي … علشان كده انا باخد أجازة من شغلي … وبأخلي الأولاد ياخدوا أجازة من المدرسة … ونطلع نصلي صلاة العيد مع بعض .. وبعدين نحتفل بالعيد حسب المتاح وقتها

السنة دي عيد الفطر جاي في وقت الإمتحانات النهائية … فللأسف ماقدروش ياخدوا أجازة من المدرسة … وماقدروش يروحوا معايا صلاة العيد …. لكن .. أول ماخلص الامتحان بتاعهم .. وعدّا على خير بفضل الله … خليتهم ياخدوا اجازة من المذاكرة ومن الاستعداد للامتحان القادم …. وطلعنا لإحدى البحيرات القريبة مع مجموعة من الأصدقاء الرائعين هنا في مدينة ساسكاتون الكندية

للتذكير … مدينة ساسكاتون تقع في منطقة البراري في غرب كندا … في مقاطعة ساسكاتشوان … يحدها غربا مقاطعة ألبرتا … وشرقا مقاطعة مانيتوبا …. وجنوبا الحدود الأمريكية .. وشمالا اقليم الشمال الغربي الكندي …

الرحلة كانت إلى بحيرة قريبة من المدينة … نص ساعة بالعربية تقريبا … اسم البحيرة Pike Lake … وهي بحيرة مشهورة بسمك ال Pike … وفيها حديقة كبيرة مُجهّزة و مُهيّئة لقضاء وقت جميل فيها مابين الشواء والاستمتاع بالشاطئ … وكمان فيها منطقة ألعاب للأطفال .. ومنطقة للي حابب يتمشى وسط الأشجار … وأخيرا فيها مسبح داخلي وعليه زحليقة للي بيحب الحاجات دي 🙂  … والقوارب المطاطية موجودة كمان … وطبعا لازم يكون فيه سوبرماركت صغير كده علشان اللي نسي حاجة كده والا كده …

في البداية خليني اخدكم معايا في أجواء صلاة العيد …

وبعدين اخدكم معايا في أجواء الإحتفال بعيد الفطر المبارك لعام 1439 هـ على ضفاف بحيرة Pike Lake .. ومع أجمل صحبة

هذه المقالة كُتبت في التصنيف الترفيه والسياحة الكندية, ساسكاتون. أضف الرابط الدائم إلى المفضلة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.