بالفيديو … جولة داخل إحدى المكتبات العامة في ساسكاتون – كندا

المكتبة العامة … يتعامل معها الكنديون على أنها أكثر من مجرد مكتبة … تحتوي على كتب للإيجار والقراءة وانتهينا ….

من أول الحاجات اللي شدت انتباهي لما وصلت كندا في أكتوبر 2012م كانت المكتبة العامة اللي جنب بيتنا … كانت في الشارع المقابل للعمارة اللي كنا فيها …

أنا فاكر لما رحت ليها أول مرة أنا والأولاد … كنت فاكر يعني ان هالاقي مكان فيه شوية كتب .. وجرايد … وشوية كراسي علشان لو حبيت تقرا ….

لكن اللي شفته كان فوق اللي توقعته …. لقيت مكان متكامل … ممكن تقضي فيه الوقت كله من غير ماتزهق ….

لما جيت ساسكاتون … لقيت نفس الإمكانيات موجودة في المكتبة اللي في المنطقة بتاعتنا برضه ….

وهي دي المكتبة اللي انا هاخدكم معايا فيها في جولة … علشان نشوف مع بعض … ايه اللي ممكن تتوقعه من المكتبة لما توصل كندا بالسلامة إن شاء الله

– الكتب والجرايد شيء أساسي بدون شك … كتب بكل لغات العالم … واللي ماتلاقيهوش في المكتبة اللي جنبك .. تدخل أون لاين وتعمل بحث على اللي انت عايزه وتطلبه يجيلك لغاية مكتبتك
– الدي في دي … أفلام قديمة وحديثة .. وبلغات متعددة … ونفس الكلام لو مالقيتش اللي انت عايزه .. ادخل على موقع النت بتاعهم وشوف موجود نسخة فين واطلبها تجيك لمكتبتك
– السي دي … وأغاني نفس الكلام شرجه أعلاه
– شرائط ألعاب بلاي ستيشن … وألعاب اكس بوكس … والعاب وي
– شرائط كتب مسموعة
– منطقة هادية جدا للمذاكرة أو القراءة
– منطقة للأطفال .. كتب الأطفال وألعابهم المختلفة …
– ماعندكش كمبيوتر في البيت ؟ ماتقلقش .. الكمبيوتر في المكتبة … والنت كمان … وطابعة علشان تطبع كمان لو تحب
– قاعات للي حابب يستأجر مكان لعمل احتفالية خاصة … الإيجار هنا هيكون بفلوس
– برامج للأطفال ودورات مختلفة لتعليك الصغار والكبار على مهارات مختلفة

كل اللي قلته أعلاه بدون مصاريف … ماعدا قاعات الاحتفالات

يالا معايا كده نشوف المكتبة من جوة عاملة ازاي

هذه المقالة كُتبت في التصنيف المكتبات في كندا, ساسكاتون. أضف الرابط الدائم إلى المفضلة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.