ماشافوهمش وهم بيسرقوا … شافوهم وهم بيتقاسموا – حرامية أمريكا


شابين حلوين …. اتفقوا مع أحد المشردين … وعملوا قصة حلوة مؤثرة زي اللي احنا بنشوفها كل يوم وبتدمع معاها عيونا ونعمل لايك وشير ونقول فيها أشعار ….

القصة باختصار اللي اتفقوا عليها …. ان الآنسة تقول ان عربيتها وقفت في عرض الشارع فجأة علشان البنزين خلص … وياحرام الآنسة الأمورة دي ماكانش معاها فلوس والا بطاقات ائتمان والا أي حاجة تدفع بيها


تعمل ايه … بصت يمن وشمال لقيت الباشا المشرد ده على قارعة الطريق قاعد … صعبت عليه … وفي مشهد اسطوري … طلع ال 20 دولار اللي حيلته ومشي مسافة صغنطوطة لأقرب محطة بنزين … وجابلها البنزين تملا بيه عربيتها وتمشي …

طبعا هي راحت بيتها وعلى طول رجعت تدور عليه علشان ترجعله الفلوس .. بس ماكانش موجود … فضلت كل شوية تعدي على المكان لغاية ما أخيرا لقيته .. وأكرمته .. فلوس ولبس وبطانية وأكل .. وكله تمام

لكنها … وبعد تفكير عميق .. قررت انها تردله الجميل ده بحاجة كبيرة جدا … وبدأت حملة لجمع التبرعات له في موقع مشهور للحالات الإنسانية اللي زي دي https://www.gofundme.com/ …. وأعتقد ان بعضكم يمكن ساهم في بعض الحالات على نفس الموقع المذكور ..

المهم .. بدأت الحملة علشان تبني للباشا المشرد ده بيت … وتحميه هو وأسرته من ذل السؤال والتشرد …. تتوقعوا جمعوا من الحملة دي كام ؟؟؟ 400 الف دولار أمريكي ….

قسموا المبلغ … الباشا المشرد 75 ألف … وقسموا الباقي بينهم هم الإثنين …. وهنا بدأت المشاكل … الباشا مش عايز أقل من الثلث … 125 الف دولار عدا ونقدا … كمان هم مش كانوا عايزين يدوله الفلوس في ايده خايفين من انه يصرفها في المخدرات او اي حاجة مالهاش فايدة ….
المهم بعد فترة اختلفوا … ورجع الشارع … ومش واضح الحكاية وصلت للبوليس ازاي …. لكن في النهاية وكأي نهاية فيلم سينيمائي … البوليس عرف بالحكاية … لكن بعد ماتبخرت ال 400 الف دولار …

قديما قالوا أيضا
أولاد الحرام ماخلوش لأولاد الحلال حاجة …
هافكر مية ألف مرة قبل ما أساهم شخصيا في حاجة شبه كده ….

التفاصيل موجودة هنا:
N.J. couple, homeless man charged over ‘fictitious and illegal’ GoFundMe campaign

هذه المقالة كُتبت في التصنيف مواقف وطرائف. أضف الرابط الدائم إلى المفضلة.

2 تعليقين على: ماشافوهمش وهم بيسرقوا … شافوهم وهم بيتقاسموا – حرامية أمريكا

  1. Charlescof كتب:

    Hy there, What we have here is , an interestingoffer
    To qualify click on the link below

    https://drive.google.com/file/d/174sufI7XaRDXJexoo1Eu3nhkDLQOAszF/preview

  2. Jeffreyshony كتب:

    Hy there, Look what we have for you! an importantoffer
    To qualify click on the link below

    https://drive.google.com/file/d/1hWrLuZrKns1FpwvFP4boMX357J7fWQuK/preview

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.