من الأسئلة اللي بتدور في عقل كل من يرغب في الهجرة إلى كندا …. انا ممكن اعمل ايه علشان اهاجر كندا … طبعا مع تعدد البرامج الخاصة بالهجرة إلى كندا … الموضوع بيبقى صعب جدا … ومحتاج انك تلف على كل المقاطعات علشان تعرف نوعية برامج الهجرة الخاصة بكل مقاطعة … ومين هم الفئة المستهدفة في كل برنامج من البرامج دي …
وعلشان اساعد الناس اللي بتفكر في الهجرة … ومحتارة بين المقاطعات والبرامج … باخدكم في الفيديو ده في جولة داخل برامج الهجرة الخاصة بمقاطعة ساسكاتشوان …. واللي بتستهدف مجموعات مختلفة من الناس بحيث انهم يعيشوا في ساسكاتشوان مقابل حصولهم على الإقامة الدائمة …
عدد برامج الهجرة في ساسكاتشوان … 11 برنامج هجرة …. بيستهدفوا بيهم الفئات التالية:
– رجال الأعمال … برنامجين من ال 11 مخصصين لرجال الأعمال ..
– الناس اللي عايشة فعلا في ساسكاتشوان وبتشتغل في أي مهنة تحتاج إلى مهارة وتدريب وتعليم … 5 برامج من ال 11 مخصصة ليهم …
– خريجي المؤسسات التعليمية الساسكاتشوانية …. ليهم برنامج خاص بيهم
– أصحاب الخبرات العملية في مجموعة من المهن المحددة … ليهم برنامجين خاصين بيهم …
– وأخيرا كل من يستطيع الحصول على عقد عمل داخل ساسكاتشوان ومعتمد من وزارة الهجرة في ساسكاتشوان … في احدى المهن التي تعتمد على المهارة والتدريب والتعليم … ليهم برنامج هجرة خاص بيهم
تعالوا نتعرف على البرامج ال 11 … ومين هم الفئات المستهدفة بيهم …
احسنت استاذ
جزاك الله خير
لكن باحاول الوصول الى الشركات التى تتعاقد من خارج كندا ولكن لا استطيع الوصول اليهم
لو ممكن تدلني على شركات الطهي والسياحة والمطاعم اكون مشكور