عملية شراء بالكريدت .. أم عملية سحب كاش ؟؟

من الحاجات اللي ماعملتهاش من أول مانزلت كندا إني أحول فلوس من كندا لخارجها … ماعنديش فكرة بصراحة عن كل الخيارات المتاحة بالنسبة لتحويل المبالغ المالية من ساسكاتون إلى خارج كندا … 

الأسبوع اللي فات أحتجت لتحويل مبلغ إلى خارج كندا … مبلغ مش كبير لكن كان مستعجل … فسألت عن الطريقة اللي ممكن أحول بيها .. قالولي ويسترين يونيون …. طبعا شركة كبيرة ومعروفة …. وتعاملت معاها قبل كده من السعودية … 

دخلت موقعهم على الانترنت … ولقيت الخطوات واضحة وبسيطة … مطلوب فقط اسم الشخص اللي هيستلم الفلوس وتليفونه … ومطلوب منك انك تحدد هتدفع الفلوس ازاي …. بما إني باتعامل بالكريدت غالبا … فاخترت خيار الكريدت لما لقيته قدامي …. وانتهت العملية سريعا سريعا … طبعا البنك بتاعي وقف العملية … واضطريت اكلمه علشان يسمح بيها … بعدين ويسترين يونيون طلبوا مني ارسال صورة لاثباتي الشخصي … وفعلا تم .. وانتهينا …

الشاهد في الحكاية … اني بعد يومين لقيت مبلغ بسيط مخصوم من حساب الكريدت بتاعي … ومكتوب جنبه .. رسوم سحب مبالغ مالية كاش !!! … انا ماباسحبش كاش من الكريدت أبدا … فاتصلت بالبنك أفهم … لقيت ان المبلغ اللي دفعته لويستيرن يونيون بالكريدت كارد .. اعتبره البنك ان ده سحب مبلغ مالي كاش …. ودفعني الرسوم بتاعتها … 

صحيح ان المبلغ بسيط … بس زي ماعودتكم معايا .. قلتلهم انا ماكنتش اعرف .. ومافيش حاجة في الموقع بتدل على كده .. وماحدش منكم بلغني بالمعلومة دي وانا باتصل بيكم علشان اطلب منكم تكملوا عملية التحويل لي …. 

الجماعة وكالعادة كانوا ناس طيبين أوي ياخال … وحذفوا الرسوم … 

فخد بالك … امتى العملية البنكية على الكريدت بتعتبر عملية شراء .. وامتى بتعتبر عملية سحب مبالغ كاش … 

بالتوفيق !

Facebook Comments
It's only fair to share...Share on FacebookShare on Google+Tweet about this on TwitterShare on LinkedIn
هذه المقالة كُتبت في التصنيف البنوك في كندا. أضف الرابط الدائم إلى المفضلة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *